மீலாதுன் நபியை முன்னிட்டு அமைதி, நல்லிணக்கம் மற்றும் மனிதநேயத்தை வலியுறுத்தும் ஃபவ்ஸான் அன்வர் அவர்களின் வாழ்த்துச் செய்தி!

மீலாதுன் நபி என்பது உலகெங்கிலும் உள்ள முஸ்லிம்கள் அண்ணல் நபிகள் நாயகம் முஹம்மத் (ஸல் ) அவர்களின் வாழ்க்கை, போதனைகள் மற்றும் உன்னத பண்புகளை நினைவுகூர்ந்து சிந்திக்கும் புனிதமான தருணமாகும். அமைதி, இரக்கம், நீதி மற்றும் சகோதரத்துவம் ஆகியவற்றை அடிப்படையாகக் கொண்ட அண்ணல் நபிகளாரின் செய்தி மனிதகுலத்தில் பெரும் மாற்றத்தை ஏற்படுத்தியதாக அகில இலங்கை YMMA மாநாட்டின் புரவலர் ஃபவ்ஸான் அன்வர்  தெரிவித்துள்ளார்.

புனித நபிகள் நாயகம் அவர்களின் பிறப்பு, ஒழுக்க மற்றும் ஆன்மீக வழிகாட்டுதல் தேவைப்பட்ட உலகிற்கு நேர்வழியையும் நம்பிக்கையையும் வழங்கிய ஒரு மகத்தான நிகழ்வாகும். பொறுமை, மன்னிப்பு, பணிவு, நேர்மை மற்றும் அனைத்து மக்களிடத்திலும் அன்பும் கருணையும் காட்டுதல் ஆகியவற்றில் அவர்களின் வாழ்க்கை இன்றும் காலத்தால் அழியாத முன்மாதிரியாகத் திகழ்கிறது. இப்புனிதமான சந்தர்ப்பத்தில், நபிகள் நாயகம் அவர்களின் போதனைகளைப் பின்பற்றுவதற்கான எமது உறுதிப்பாட்டை புதுப்பித்துக்கொள்வதுடன், எமது சமூகங்களில் அமைதி, நல்லிணக்கம், சகிப்புத்தன்மை மற்றும் பரஸ்பர மரியாதையை மேம்படுத்துவதற்கு நாம் அனைவரும் பாடுபடுவோம். நல்லொழுக்கம், பிறர் மீதான கருணை மற்றும் மனிதகுலத்திற்கான சேவை ஆகியவற்றின் ஊடாகவே உண்மையான இறைநம்பிக்கை வெளிப்படுகிறது என்பதை நபிகள் நாயகம் அவர்கள் எமக்குக் கற்றுத்தந்தார்கள். மீலாதுன் நபி இன் ஆசீர்வாதங்கள், அனைத்து மதங்களையும் சமூகங்களையும் சேர்ந்த மக்கள் கண்ணியத்துடனும் புரிந்துணர்வுடனும் நல்லெண்ணத்துடனும் ஒன்றிணைந்து வாழும் ஒரு சிறந்த சமூகத்தை கட்டியெழுப்ப எமக்கு ஊக்கமளிக்கட்டும். அண்ணல் நபிகள் நாயகம் முஹம்மது அவர்களின் உன்னத பாதையைப் பின்பற்றுவதற்கான ஞானத்தையும் வலிமையையும் அல்லாஹ் எமக்கு அருள்வானாக. எமது அன்புக்குரிய தாய்நாடான இலங்கைக்கு அமைதி, ஒற்றுமை மற்றும் செழிப்பை அல்லாஹ் வழங்குவானாக.