வட்டவளை பிரதேசத்தில் பெய்த கடும் மழையைத் தொடர்ந்து ஏற்பட்ட மண்சரிவினால் சேதமடைந்த வட்டவளை ரயில் நிலையத்தை, நுவரெலியா மாவட்ட பாராளுமன்ற உறுப்பினர் மஞ்சுள சுரவீரஆரச்சி இன்று (27) நேரில் சென்று பார்வையிட்டார்.
குறித்த ரயில் நிலையத்தின் பிரதான கட்டடத்தின் பின்புறம் அமைந்துள்ள பாரிய மலைப்பகுதியில் ஏற்பட்ட மண்சரிவு காரணமாக, ரயில் நிலையத்தின் பிரதான கட்டடம் பலத்த சேதமடைந்துள்ளது.
இதனையடுத்து, சேதமடைந்த பிரதான கட்டடத்தை முழுமையாகப் புனரமைக்கும் பொறுப்பு இலங்கை இராணுவத்தின் பொறியியல் படைப்பிரிவிடம் ரயில்வே திணைக்களத்தினால் ஒப்படைக்கப்பட்டுள்ளது.
அதேவேளை, வட்டவளை ரயில் நிலையத்தின் சரக்குக் களஞ்சியக் கட்டடத்தைத் தற்காலிக ரயில் நிலையமாகப் பயன்படுத்தும் நோக்கில், ரயில்வே திணைக்களத்தின் பொறியியல் பிரிவினால் புனரமைப்புப் பணிகள் ஆரம்பிக்கப்பட்டுள்ளன.
