நாமல் ராஜபக்ஷ மீண்டும் நீதிமன்றில் ஆஜர்!

விளக்கமறியலில் உள்ள ஸ்ரீலங்கா பொதுஜன பெரமுனவின் தேசிய அமைப்பாளரும் பாராளுமன்ற உறுப்பினருமான நாமல் ராஜபக்ஷ இன்று (06) மீண்டும் கோட்டை நீதவான் நீதிமன்றத்திற்கு அழைத்து வரப்பட்டுள்ளார்.

சர்ச்சைக்குரிய ‘க்ரிஷ்’ கொடுக்கல் வாங்கல் தொடர்பான வழக்கு விசாரணைக்காகவே அவர் நீதிமன்றத்திற்கு அழைத்து வரப்பட்டுள்ளார்.

‘க்ரிஷ்’ கொடுக்கல் வாங்கல் தொடர்பில் இலஞ்ச ஒழிப்பு ஆணைக்குழுவினால் கொழும்பு பிரதான நீதவான் நீதிமன்றத்தில் தாக்கல் செய்யப்பட்டுள்ள வழக்கில் நாமல் ராஜபக்ஷ நான்காவது சந்தேகநபராகப் பெயரிடப்பட்டுள்ளார்.