முகாமைத்துவ சேவை அதிகாரிகளின் அதி உயர்தர அதிகாரிகளுக்கான 2027ஆம் ஆண்டுக்கான வருடாந்த இடமாற்றங்களை நடைமுறைப்படுத்துவதற்கு அரச நிர்வாக, மாகாண சபைகள் மற்றும் உள்ளூராட்சி அமைச்சு நடவடிக்கை எடுத்துள்ளது.
அதற்கமைய, இந்த இடமாற்றங்கள் 2027 ஜனவரி 01ஆம் திகதி முதல் நடைமுறைக்கு வரவுள்ளதாக அரச நிர்வாக சுற்றறிக்கை இலக்கம் 18/2026 மூலம் அறிவிக்கப்பட்டுள்ளது.
விருப்பமான சேவை நிலையத்தில் 05 வருட சேவைக்காலத்தை நிறைவு செய்த அதிகாரிகள் கட்டாய இடமாற்றத்திற்கு உட்படுத்தப்படுவதுடன், வேறு சேவை நிலையத்தில் 02 வருட சேவைக்காலத்தை நிறைவு செய்த அதிகாரிகளும் இடமாற்றத்திற்கு தகுதி பெறுவதாக தெரிவிக்கப்பட்டுள்ளது.
2027ஆம் ஆண்டுக்கான வருடாந்த இடமாற்ற விண்ணப்பங்களை இணையவழி முறையில் சமர்ப்பிக்க வேண்டும். இதற்காக misco.pubad.gov.lk/misco என்ற இணையத்தளத்தைப் பயன்படுத்துமாறு அறிவுறுத்தப்பட்டுள்ளது.
மேலும், அதிகாரிகளின் அடிப்படைத் தகவல்கள் மற்றும் முந்தைய சேவை நிலையங்கள் தொடர்பான விபரங்களை முறையாகப் புதுப்பிக்குமாறும் குறிப்பிடப்பட்டுள்ளது.
