நேபாளத்தில் ஏற்பட்ட திடீர் வெள்ளப்பெருக்கில் உயிரிழந்தவர்களின் எண்ணிக்கை 903 ஆக உயர்ந்துள்ளதாக அந்நாட்டு அதிகாரிகள் தெரிவித்துள்ளனர்.
கடந்த வாரம் ஏற்பட்ட பேரழிவைத் தொடர்ந்து, தொடர்ந்து சடலங்கள் மீட்கப்பட்டு வரும் நிலையில், மேலும் 4,247 பேர் காணாமல் போயுள்ளதாக தெரிவிக்கப்பட்டுள்ளது.
தேசிய பேரிடர் அபாயக் குறைப்பு மற்றும் முகாமைத்துவ அதிகாரசபையின் (NDRRMA) தகவலின்படி, சித்வான் மாவட்டத்தில் 272 சடலங்களும், கிழக்கு நவல்பராசியில் 207 சடலங்களும், மேற்கு நவல்பராசியில் 151 சடலங்களும், கோர்கா மாவட்டத்தில் 62 சடலங்களும் மீட்கப்பட்டுள்ளன.
அதேவேளை, நுவாகோட்டில் 95, தாடிங்கில் 55, தனஹுனில் 37 மற்றும் ரசுவாவில் 24 சடலங்கள் மீட்கப்பட்டுள்ளன.
காணாமல் போனவர்களில் 99 பாதுகாப்புப் படையினர் மற்றும் 591 வெளிநாட்டவர்கள் உள்ளடங்குவதாக பேரிடர் முகாமைத்துவ அதிகாரசபை தெரிவித்துள்ளது.
மேலும், கடந்த வாரம் ஏற்பட்ட வெள்ளப்பெருக்கைத் தொடர்ந்து நேபாளத்தில் சுமார் அரை இலட்சக்கணக்கான நீர்மின் திட்டங்களில் 933 தொழிலாளர்கள் சிக்கியிருக்கலாம் என அதிகாரிகள் தெரிவித்துள்ளனர்.
நேபாள பிரதமர் பலேந்திர ஷா, நாட்டில் ஏற்பட்டுள்ள நிலைமையை “கற்பனை செய்ய முடியாத மற்றும் இதயத்தை உடைக்கும் பேரழிவு” என வர்ணித்துள்ளார்.
கடந்த ஆகஸ்ட் 19ஆம் திகதி, பனி, பாறைகள் மற்றும் குப்பைகளுடன் கூடிய பெரும் வெள்ள அலை கிராமங்கள் மற்றும் நகரங்களை தாக்கிய நிலையில், நேபாளம் மற்றும் சீனாவின் எல்லைப் பகுதியான திபெத்தில் இதுவரை குறைந்தது 797 பேர் உயிரிழந்துள்ளதாக தெரிவிக்கப்பட்டுள்ளது.
