ஐபிஎல் தொடரில் டெல்லி கேப்பிடல்ஸ் அணியின் புதிய தலைமைப் பயிற்சியாளராக இந்திய கிரிக்கெட் அணியின் முன்னாள் தலைவர் சவுரவ் கங்குலி நியமிக்கப்பட்டுள்ளார்.
டெல்லி அணியின் தலைமைப் பயிற்சியாளராக செயல்பட்டு வந்த ஹேமங் பதானியின் பதவிக்காலம் நிறைவடைந்த நிலையில், சவுரவ் கங்குலிக்கு இந்தப் பொறுப்பு வழங்கப்பட்டுள்ளது.
ஏற்கனவே டெல்லி அணியின் ஆலோசகராக சில ஆண்டுகள் செயல்பட்டுள்ள கங்குலி, அணியில் பல்வேறு பொறுப்புகளையும் வகித்த அனுபவம் கொண்டவர்.
இந்நிலையில், அடுத்த ஆண்டு நடைபெறவுள்ள ஐபிஎல் சீசனுக்கான டெல்லி அணியின் தலைமைப் பயிற்சியாளராக அவர் அதிகாரப்பூர்வமாக அறிவிக்கப்பட்டுள்ளார்.
டெல்லி அணி தனது மனதுக்கு மிகவும் நெருக்கமானது என தெரிவித்துள்ள சவுரவ் கங்குலி, வரும் சீசனில் வலுவான அணியை உருவாக்க விரும்புவதாக தெரிவித்துள்ளார்.
ஐபிஎல் தொடரில் இதுவரை சாம்பியன் பட்டம் வெல்லாத அணிகளில் டெல்லி கேப்பிடல்ஸும் ஒன்றாகும். இந்நிலையில், இந்திய அணியின் வெற்றிகரமான முன்னாள் தலைவரும் அனுபவம் மிக்க வீரருமான சவுரவ் கங்குலி, டெல்லி அணியின் தலைமைப் பயிற்சியாளராக நியமிக்கப்பட்டிருப்பது கவனம் பெற்றுள்ளது.
இதேவேளை, சென்னை சூப்பர் கிங்ஸ் அணியின் தலைமைப் பயிற்சியாளராக இந்திய அணியின் முன்னாள் வீரர் ஜாகீர் கான் அண்மையில் நியமிக்கப்பட்டிருந்தமை குறிப்பிடத்தக்கது.
