இலங்கையின் பணவீக்க விகிதம் கடந்த ஆகஸ்ட் மாதத்தில் 8.1% ஆகப் பதிவாகியிருந்த நிலையில், செப்டம்பர் மாதத்திலும் அதே மட்டத்தில் மாற்றமின்றிப் பதிவாகியுள்ளதாக தொகைமதிப்பு மற்றும் புள்ளிவிபரத் திணைக்களம் தெரிவித்துள்ளது.
தேசிய நுகர்வோர் விலைக் குறியீடு (NCPI) மற்றும் 2026 செப்டம்பர் மாதத்திற்கான நுகர்வோர் பணவீக்க விகிதம் தொடர்பான அறிக்கையைத் திணைக்களம் வெளியிட்டுள்ளது.
குறித்த அறிக்கையின்படி, உணவு மற்றும் உணவல்லாத பிரிவுகளின் பணவீக்க விகிதங்களில் வெவ்வேறு போக்குகள் பதிவாகியுள்ளன.
உணவுப் பிரிவு
2026 ஆகஸ்ட் மாதத்தில் 6.6% ஆகப் பதிவாகியிருந்த உணவுப் பிரிவின் பணவீக்க விகிதம், செப்டம்பர் மாதத்தில் 6.9% ஆக அதிகரித்துள்ளது.
உணவல்லாத பிரிவு
2026 ஆகஸ்ட் மாதத்தில் 9.3% ஆகப் பதிவாகியிருந்த உணவல்லாத பிரிவின் பணவீக்க விகிதம், செப்டம்பர் மாதத்தில் 9.1% ஆகக் குறைந்துள்ளது.
ஒட்டுமொத்தப் பணவீக்க விகிதம் மாற்றமின்றி காணப்பட்டாலும், உணவுப் பிரிவின் பணவீக்க விகிதம் அதிகரித்துள்ளமை குறிப்பிடத்தக்கது.
