2027ஆம் ஆண்டுக்கான வரவு செலவுத் திட்ட முன்மொழிவுகளை ஜனாதிபதி அநுர குமார திசாநாயக்க நேற்று (12) பாராளுமன்றத்தில் சமர்ப்பித்ததைத் தொடர்ந்து, அதன் மீதான இரண்டாம் வாசிப்பு விவாதம் இன்று (13) ஆரம்பமாகவுள்ளது.
தேசிய மக்கள் சக்தி (NPP) அரசாங்கத்தின் மூன்றாவது வரவு செலவுத் திட்டம் மீதான இந்த விவாதம் நவம்பர் 13ஆம் திகதி முதல் 20ஆம் திகதி வரை ஏழு நாட்களுக்கு நடைபெறவுள்ளது.
வரவு செலவுத் திட்டத்தின் இரண்டாம் வாசிப்பு மீதான வாக்கெடுப்பு நவம்பர் 20ஆம் திகதி மாலை 6.00 மணிக்கு நடைபெறவுள்ளது.
அதனைத் தொடர்ந்து, குழுநிலை விவாதம் எனப்படும் மூன்றாம் வாசிப்பு விவாதம் நவம்பர் 21ஆம் திகதி ஆரம்பமாகி, நான்கு சனிக்கிழமைகள் உட்பட 19 நாட்களுக்கு நடைபெறவுள்ளது.
இந்த விவாதம் டிசம்பர் 14ஆம் திகதி நிறைவடைவதுடன், அன்றைய தினம் மாலை 6.00 மணிக்கு 2027ஆம் ஆண்டுக்கான வரவு செலவுத் திட்டத்தின் இறுதி வாக்கெடுப்பு நடைபெறவுள்ளது.
வரவு செலவுத் திட்ட விவாதங்கள் நடைபெறும் அனைத்து நாட்களிலும், சனிக்கிழமைகள் உட்பட காலை 9.30 மணிக்கு பாராளுமன்ற அமர்வுகள் ஆரம்பமாகும். எனினும், ஞாயிற்றுக்கிழமைகள் மற்றும் பொது விடுமுறை நாட்களில் பாராளுமன்ற அமர்வுகள் நடைபெறமாட்டாது.
