ஆப்பிள் நிறுவனம் புதிய iPhone 18 Pro மற்றும் iPhone 18 Pro Max ஸ்மார்ட்போன்களை அறிமுகப்படுத்தியுள்ளது.
புதிய ப்ரோ மொடல்களில் கேமரா, செயல்திறன், பேட்டரி ஆயுள் மற்றும் செயற்கை நுண்ணறிவு (AI) உள்ளிட்ட பல்வேறு அம்சங்களில் குறிப்பிடத்தக்க மேம்பாடுகள் செய்யப்பட்டுள்ளன.
இந்த இரண்டு மொடல்களும் 2 நானோமீட்டர் தொழில்நுட்பத்தில் உருவாக்கப்பட்ட A20 Pro சிப் மூலம் இயக்கப்படுகின்றன. மேலும், தொடர்ந்து அதிக செயல்திறனை வழங்கும் வகையில் புதிய தலைமுறை Vapor Chamber கொண்ட மேம்படுத்தப்பட்ட வெப்ப மேலாண்மை அமைப்பும் இதில் அறிமுகப்படுத்தப்பட்டுள்ளது.
புதிய 7-core GPU, முந்தைய A19 Pro சிப்புடன் ஒப்பிடுகையில் 40 சதவீதம் வரை அதிக செயல்திறனை வழங்கும் என ஆப்பிள் தெரிவித்துள்ளது.
48 மெகாபிக்சல் கேமரா
iPhone 18 Pro தொடரின் முக்கியமான மேம்பாடுகளில் ஒன்றாக புதிய 48 மெகாபிக்சல் Fusion Main கேமரா அறிமுகப்படுத்தப்பட்டுள்ளது.
இதில் முதல் முறையாக ஐபோனில் Variable Aperture வசதி வழங்கப்பட்டுள்ளது. 6-blade அமைப்பைக் கொண்ட இந்த வசதி, வெளிச்சம் மற்றும் புகைப்படத்தின் ஆழத்திற்கேற்ப Aperture-ஐ தானாக மாற்றிக்கொள்ளும்.
மேலும், புதிய Pro Camera Controls மூலம் பயனர்கள் Aperture அமைப்பை கைமுறையாகவும் மாற்றிக்கொள்ள முடியும்.
புகைப்படங்களின் உண்மைத்தன்மையை சரிபார்க்கும் புதிய வசதி
ஆப்பிள் “Apple Reference Image” என்ற புதிய வசதியையும் அறிமுகப்படுத்தியுள்ளது.
Reference Mode-ல், புகைப்படம் எடுக்கும்போது பதிவு செய்யப்படும் கையொப்பமிடப்பட்ட Sensor Data அடிப்படையில் மாற்ற முடியாத Reference Image உருவாக்கப்படும்.
இதனை இறுதியாக எடுக்கப்பட்ட புகைப்படத்துடன் ஒப்பிட்டு, அதில் பின்னர் ஏதேனும் மாற்றங்கள் செய்யப்பட்டுள்ளதா என்பதை சரிபார்க்க முடியும்.
இந்த தொழில்நுட்பம் குறிப்பாக புகைப்பட ஊடகவியலாளர்கள் மற்றும் புகைப்படக் கலைஞர்களுக்கு பயனுள்ளதாக இருக்கும் என ஆப்பிள் தெரிவித்துள்ளது.
சிறிய Dynamic Island
புதிய iPhone 18 Pro மொடல்களில் மறுவடிவமைக்கப்பட்ட, முன்பை விட சிறிய Dynamic Island வழங்கப்பட்டுள்ளது.
இதன் மூலம் ஒரே நேரத்தில் 3 Live Activities வரை திரையில் காண்பிக்க முடியும்.
iOS 27 மற்றும் புதிய Siri AI
இந்த புதிய ஐபோன்கள் iOS 27 இயங்குதளத்துடன் வெளியாகின்றன.
மேலும், புதிய Siri AI வசதியும் இதில் அறிமுகப்படுத்தப்பட்டுள்ளது. இது பயனர்களின் Messages, Emails, Photos உள்ளிட்ட தனிப்பட்ட தகவல்களில் உள்ள சூழலைப் புரிந்துகொள்வதுடன், திரையில் காணப்படும் தகவல்களையும் அடிப்படையாகக் கொண்டு உதவிகளை வழங்கும்.
Siri AI மூலம் பல்வேறு செயல்களையும் மேற்கொள்ள முடியும் என ஆப்பிள் தெரிவித்துள்ளது. இந்த வசதி ஆரம்பத்தில் Beta பதிப்பாக அறிமுகப்படுத்தப்படும்.
மேம்படுத்தப்பட்ட பேட்டரி ஆயுள்
eSIM மட்டும் கொண்ட பதிப்புகளில்,
- iPhone 18 Pro – 36 மணி நேரம் வரை வீடியோ இயக்கம்
- iPhone 18 Pro Max – 45 மணி நேரம் வரை வீடியோ இயக்கம்
வழங்கப்படும் என ஆப்பிள் தெரிவித்துள்ளது.
மேலும், Wired connection மூலம் சுமார் 15 நிமிடங்களில் 50 சதவீதம் வரை சார்ஜ் செய்ய முடியும்.
நிறங்கள் மற்றும் விலை
iPhone 18 Pro மற்றும் Pro Max ஆகியவை கருப்பு, வெள்ளி, Glacier மற்றும் புதிய Burgundy நிறங்களில் கிடைக்கின்றன.
256GB முதல் 2TB வரையிலான சேமிப்பு திறன் கொண்ட மொடல்கள் அறிமுகப்படுத்தப்பட்டுள்ளன.
அமெரிக்காவில் ஆரம்ப விலை:
iPhone 18 Pro – 1,199 அமெரிக்க டொலர்
iPhone 18 Pro Max – 1,299 அமெரிக்க டொலர்
முன்பதிவுகள் செப்டம்பர் 12ஆம் திகதி 65க்கும் மேற்பட்ட நாடுகள் மற்றும் பிராந்தியங்களில் ஆரம்பமாகின்றன.
செப்டம்பர் 18ஆம் திகதி முதல் விற்பனைக்கு வரும் நிலையில், மேலும் 20 நாடுகள் மற்றும் பிராந்தியங்களில் செப்டம்பர் 25ஆம் திகதி முதல் இந்த மொடல்கள் கிடைக்கும் என தெரிவிக்கப்பட்டுள்ளது.
