இந்தியாவுக்கு எதிரான டெஸ்ட் தொடர்: இலங்கை குழாம் அறிவிப்பு!

சுற்றுலா இந்திய அணிக்கு எதிராக நடைபெறவுள்ள இரண்டு போட்டிகள் கொண்ட டெஸ்ட் தொடரின் முதலாவது போட்டிக்கான இலங்கை குழாம் 12.08.2026 அறிவிக்கப்பட்டுள்ளது.

காயம் காரணமாக விக்கெட் காப்பாளர் குசல் மெண்டிஸ் குழாமில் இடம்பெறவில்லை. இதனையடுத்து, தனஞ்சய டி சில்வா தலைமையிலான அணியில் நீண்ட இடைவெளிக்குப் பின்னர் விக்கெட் காப்பாளர் நிரோஷன் திக்வெல்ல இணைக்கப்பட்டுள்ளார்.

2023ஆம் ஆண்டு மார்ச் மாதம் தென்னாப்பிரிக்காவுக்கு எதிரான டெஸ்ட் போட்டிக்குப் பின்னர், திக்வெல்ல முதன்முறையாக இலங்கை டெஸ்ட் குழாமில் இடம்பெற்றுள்ளார்.

மேலும், அறிமுக வீரர்களான துடுப்பாட்ட வீரர் பசிந்து சூரியபண்டார மற்றும் சகலதுறை வீரர் கேஷர நுவன்த ஆகியோரும் குழாமில் சேர்க்கப்பட்டுள்ளனர்.

இலங்கை – இந்தியா அணிகளுக்கு இடையிலான டெஸ்ட் தொடரின் முதலாவது போட்டி எதிர்வரும் 15ஆம் திகதி காலி சர்வதேச கிரிக்கெட் மைதானத்தில் ஆரம்பமாகவுள்ளது.

இலங்கை டெஸ்ட் குழாம்:
தனஞ்சய டி சில்வா (தலைவர்), லஹிரு உதார, நிஷான் மதுஷ்க, கமிந்து மெண்டிஸ் (உப தலைவர்), தினேஷ் சந்திமால், பசிந்து சூரியபண்டார, சோனால் தினுஷ, நிரோஷன் திக்வெல்ல (விக்கெட் காப்பாளர்), ரமேஷ் மெண்டிஸ், பிரபாத் ஜயசூரிய, கேஷர நுவன்த, மிலான் ரத்நாயக்க, அசித பெர்னாண்டோ, லஹிரு குமார, விஷ்வ பெர்னாண்டோ மற்றும் தில்ஷான் மதுஷங்க.

அப்ரா அன்சார்