நாட்டில் முச்சக்கர வண்டிகளை ஓட்டுவதற்கு வெளிநாட்டினருக்கு உரிமங்களை வழங்குவதில்லை என்று மோட்டார் போக்குவரத்துத் திணைக்களம் தெளிவுபடுத்தியுள்ளது.
வெளிநாட்டினருக்கு தற்காலிக முச்சக்கர வண்டி உரிமங்களை அறிமுகப்படுத்தும் திட்டம் எதுவும் இல்லை என்று மோட்டார் போக்குவரத்துத் திணைக்களம் தெரிவித்துள்ளது.
இருப்பினும், செல்லுபடியாகும் சர்வதேச சாரதி அனுமதிப்பத்திரத்தை வைத்திருக்கும் வெளிநாட்டினர் இலங்கையில் சட்டப்பூர்வமாக வாகனம் ஓட்டமுடியும் என்று பொலிஸார் தெரிவித்துள்ளனர்.
தங்கள் சொந்த நாடுகளில் இருந்து உள்நாட்டு சாரதி உரிமங்களைக் கொண்டவர்களும் மோட்டார் போக்குவரத்துத் திணைக்களத்திடமிருந்து சான்றிதழ் அல்லது ஒப்புதலைப் பெற்றால் வாகனம் ஓட்டலாம் எனவும் தெரிவிக்கப்பட்டுள்ளது.
