வெலிகம பிரதேச சபைத் தலைவர் லசந்த விக்ரமசேகரவை கைது செய்ய மாத்தறை தலைமை நீதவான் நீதிமன்றம் பிடியாணை பிறப்பித்துள்ளது.
நேற்று (12) மாத்தறை தலைமை நீதவான் சத்துர திசாநாயக்க முன்னிலையில் வழக்கு விசாரணைக்கு அழைக்கப்பட்டபோதே இந்த உத்தரவு பிறப்பிக்கப்பட்டது.
தேசிய மக்கள் சக்தி கட்சியின் உள்ளூர் சட்டமன்ற உறுப்பினர் தாரக நாணயக்காரவுக்கு எதிரான கொலை மிரட்டல் வழக்கில் லசந்த விக்ரமசேகர முன்னிலையாகாததால் இந்த உத்தரவு பிறப்பிக்கப்பட்டுள்ளது.
கடந்த மாகாண சபைத் தேர்தலின் போது வெலிகம பிரதேச சபைத் தேர்தலில் போட்டியிட்ட தாரக நாணயக்காரவை அச்சுறுத்தியதாகக் கூறி பாதுகாப்புச் சட்டத்தின் கீழ் குற்றம் சாட்டப்பட்டிருந்தது.
இதுதொடர்பில் மாத்தறை நீதவான் நீதிமன்றத்தில் வழக்குத் தொடரப்பட்டபோது, குற்றம் சாட்டப்பட்ட வெலிகம பிரதேசச் சபைத் தலைவர் லசந்த விக்ரமசேகர நீதிமன்றத்தில் ஆஜராகவில்லை.
அவருக்கு பதில் அவரது வழக்கறிஞர் நீதிமன்றத்தில் ஆஜராகி லசந்த உடல் நலம் சரியில்லாமல் இருப்பதாக தெரிவித்தார்.
ஆனால், அவரது பிணையாளர்களும் நீதிமன்றத்தில் ஆஜராகாததால் இந்த உத்தரவு பிறப்பிக்கப்பட்டுள்ளது.
