கோடீஸ்வர வர்த்தகர் வீட்டில் திருட்டு சம்பவம் ஒன்று பதிவாகியுள்ளது

பிர்தௌசியா அஷ்ரப்
கொழும்பு

உடப்புவ புனவிட்டிய பகுதியில் உள்ள வீடொன்றில் இன்று (25) அதிகாலை அங்கிருந்தவர்கள் இல்லாத நேரத்தில்,

சுமார் 70 இலட்சம் ரூபா பெறுமதியான தங்கம் மற்றும் பணம் திருடப்பட்டுள்ளதாக உடப்புவ பொலிஸார் தெரிவித்தனர்.

கோடீஸ்வரரான தேங்காய் மற்றும் இறால் பண்ணை வியாபாரி ஒருவரின் வீட்டில் திருடர்கள் கொள்ளையடித்துள்ளதாக பொலிஸார் தெரிவித்துள்ளனர்.

புனாப்பிட்டி ஜேசு பிலிந்த தேவாலயத்தில் நேற்று (24) இரவு இடம்பெற்ற கிறிஸ்மஸ் ஆராதனைக்கு சென்றுவிட்டு இன்று அதிகாலை வீடு திரும்பிய போது,

வீட்டில் இருந்த தங்கமும் பணமும் திருடப்பட்டமை உறுதி செய்யப்பட்டதையடுத்து குறித்த கோடீஸ்வர வர்த்தகர் பொலிஸில் முறைப்பாடு செய்துள்ளார்.

குறித்த தொழிலதிபரின் வீட்டின் ஜன்னல் உடைக்கப்பட்டு அவர் வீட்டிற்குள் பிரவேசித்துள்ளமை பொலிஸாரின் ஆரம்பகட்ட விசாரணைகளில் இருந்து உறுதிப்படுத்தப்பட்டுள்ளது.

திருட்டுச் சம்பவம் தொடர்பில், பொலிஸ் நாய்ப் பிரிவுகள் மற்றும் பொலிஸ் ஆன்-சைட் விசாரணை அதிகாரிகள் நியமிக்கப்பட்டு விசாரணைகள் ஆரம்பிக்கப்பட உள்ளன.