குறைந்த கட்டணத்தில் அபுதாபி – கட்டுநாயக்க புதிய விமானம்

ஐ. ஏ. காதிர் கான்

எயார் அரேபியா, அபுதாபியிலிருந்து கட்டுநாயக்கவுக்கு குறைந்த கட்டணத்தில் விமான சேவையொன்றை ஆரம்பித்துள்ளது.
முதலாவது பயணத்தை மேற்கொண்ட எயார் அரேபியா விமானம், (08) வெள்ளிக்கிழமை இரவு கட்டுநாயக்க விமான நிலையத்தை வந்தடைந்தது. 158 பயணிகள் மற்றும் 8 விமானப் பணியாளர்களுடன் “3L-197” என்ற எயார் அரேபியா விமானமே, அபுதாபியிலிருந்து கட்டுநாயக்க விமான நிலையத்தை வந்தடைந்துள்ளது.
இந்த விமானம், பிரதி புதன், வெள்ளி மற்றும் ஞாயிற்றுக்கிழமைகளில் இரவு 8 மணிக்கு அபுதாபியில் இருந்து கட்டுநாயக்க விமான நிலையத்தை வந்தடைந்து, மீண்டும் அங்கிருந்து இரவு 8.30 மணிக்கு அபுதாபிக்கு புறப்படும் என, கட்டுநாயக்க விமான நிலைய தகவல்கள் தெரிவித்துள்ளன.