மஸ்கெலியாவில், சுமார் 83 இலட்சம் ரூபாய் பெறுமதியான வேன் ஒன்று கொள்ளையிடப்பட்ட சம்பவம் தொடர்பில் ஹட்டன் வலய குற்ற விசாரணைப் பிரிவினர் விசாரணைகளை ஆரம்பித்துள்ளனர்.
இந்நிலையில், குறித்த சம்பவத்துடன் தொடர்புடைய சந்தேக நபர் ஒருவர் கஹவத்த காவல்துறை பிரிவில் ஓபேவத்த பிரதேசத்தில் வைத்து கைது செய்யப்பட்டதாக காவல்துறையினர் தெரிவித்தனர்.
கைதான சந்தேக நபர் 28 வயதுடைய ஓபேவத்த பிரதேசத்தைச் சேர்ந்தவராவார்.
சந்தேக நபரிடம் முன்னெடுக்கப்பட்ட விசாரணைகளுக்கு அமைவாகக் குறித்த வேன் வவுனியா பகுதியிலிருந்து மீட்கப்பட்டுள்ளதது.
சம்பவம் தொடர்பான மேலதிக விசாரணைகளை ஹட்டன் வலய குற்ற விசாரணைப் பிரிவினர் மற்றும் மஸ்கெலியா காவல்துறையினர் மேற்கொண்டு வருகின்றனர்.
