தவணைப்பரீட்சை வினாத்தாள் ஒன்றில் அரசியல் தொடர்பான வினாக்கள் உள்ளடக்கப்பட்டிருந்தமையினால் அமைச்சர்கள் மட்டத்தில் விரைவான விசாரணை ஆரம்பிக்கப்பட்டுள்ளதாக கல்வி அமைச்சு தெரிவித்துள்ளது.
இது தொடர்பில் உரிய அதிகாரிகளுக்கு ஏற்கனவே தேவையான அறிவுரைகள் வழங்கப்பட்டுள்ளதாக கல்வி, விஞ்ஞான மற்றும் தொழில்நுட்ப அமைச்சின் செயலாளர் திலகா ஜயசுந்தர அறிக்கை ஒன்றை வௌியிட்டுள்ளார்.
களுத்துறை மாவட்ட பாடசாலையொன்றில் இரண்டாம் தவணைப் பரீட்சையில் உயர்தரப் பாடசாலை மாணவர்களுக்கு வழங்கப்பட்ட வினாத்தாளில் அரசியல் கட்சி தொடர்பான 05 வினாக்கள் உள்ளடக்கப்பட்டிருந்தமை தொடர்பிலேயே குறித்த விசாரணை நடத்தப்படுகிறது.
இந்த வினாத்தாள் சம்பந்தப்பட்ட பாடசாலையினாலேயே தயாரிக்கப்பட்டுள்ளதாகவும் அமைச்சு மட்டத்திலோ அல்லது வேறு எந்த நிறுவன மட்டத்திலோ இதற்கு தொடர்பில்லை எனவும் கல்வி அமைச்சின் செயலாளர் மேலும் குறிப்பிட்டுள்ளார்.
இது தொடர்பாக அமைச்சு மட்டத்தில் முறையான விசாரணை நடத்தப்பட்டு உரிய நடவடிக்கை எடுக்கப்படும் எனவும் அவர் அந்த அறிக்கையில் மேலும் குறிப்பிட்டுள்ளார்.
