தமிழ் எழுத்துத்துறையில் ஆறு தசாப்தங்களை நிறைவு செய்த சத்திய எழுத்தாளர் -கலாபூஷணம் எஸ்.ஐ. நாகூர்கனி ஆய்வு செய்த மாநபி பற்றிய “மாநபி பேசாத மௌன மொழி தமிழ்” எனும் நூலின் வெளியீட்டு விழா, இன்ஷா அல்லாஹ் எதிர்வரும் 26-08-2024 திங்கட் கிழமை மாலை 4.30 மணிக்கு கொழும்பு – 7, தர்மபால மாவத்தை,
ஜே. ஆர். ஜயவர்தன நிலைய மண்டபத்தில் முஸ்லிம் மீடியா போரத்தின் தலைவர் அல்ஹாஜ் என்.எம். அமீன் தலைமையில் நடைபெறும்.
பேராசிரியர் எம்.எஸ். எம். அனஸ் சிறப்புரையாற்றுவார். வகவத் தலைவர் நஜ்முல் ஹுசைன் நயவுரை நிகழ்த்த, சந்தக்கவிமணி கிண்ணியா அமீர் அலி, கவிஞர் வாழைத்தோட்டம் எம். வஸீர் ஆகியோர் வாழ்த்துக்கவி பாடுவர். டீ.எஸ்.சேனநாயக்க கல்லூரி ஆசிரியர் இர்ஷாத் ஹுசைன் வரவேற்புரை வழங்குவார். நூலாசிரியர் ஏற்புரையாற்ற, நன்றியுரையை டாக்டர். ருஸைகா கனி நிகழ்த்துவார். நிகழ்ச்சிகளை வகவச் செயலாளர் இளநெஞ்சன் முர்ஷிதீன் தொகுத்து வழங்குவார். அனைவரும் வருகை தந்து சிறப்பிக்கும்படி ஏற்பாட்டுக்குழு அன்போடு அழைக்கின்றது.
தமிழ் இலக்கிய சிந்தனைகளையும், செம்மல் நபியையும் இணைத்து செய்யப்பட்ட ஆய்வு
நூல் இது என்பது குறிப்பிடத்தக்கது.
