ஊடகவியலாளர் – ஏ சி பௌசுல் அலிம்
ஜனாதிபதி தேர்தல் முடிவடைந்த 200 நாட்களுக்குள், மாகாண சபை, உள்ளுராட்சி சபை மற்றும் பாராளுமன்ற தேர்தல்கள் 2025 ஆம் ஆண்டுக்குள் நடைபெறவுள்ளன என்று பிரதி அமைச்சர் வசந்த அழகியவன்ன தெரிவித்துள்ளார்.
கடந்த சனியன்று ஜனாதிபதி ரணில் விக்கிரமசிங்கவின் தேர்தல் பிரச்சார நடவடிக்கை குழு கூட்டத்தில் அவர் இதனை தெரிவித்தார். நாடு முழுவதும் உள்ள 160 தேர்தல் தொகுதிகளிலும் அந்த தினம் இந்த கூட்டங்கள் நடைபெற்றன. இந்த கூட்டங்கள் அமைச்சர் பிரசன்ன ரணதுங்க தலைமையில் ஏற்பாடு செய்யப்பட்டன.
மேலும், பிரதி அமைச்சர் தெரிவித்ததாவது, வேட்புமனுக்கள் தாக்கல் செய்யப்பட்ட மறுநாள் முதலாவது தேர்தல் பிரச்சாரக் கூட்டம் எதிர்வரும் 17ஆம் திகதி அனுராதபுரம் நகரில் நடைபெறும். அந்தக் கூட்டத்தில் நாடு முழுவதும் உள்ள அனைத்து ஆதரவாளர்களையும் அழைத்து வர நடவடிக்கை எடுக்கப்பட்டுள்ளது. ஒவ்வொரு தொகுதியிலிருந்தும் 10,000 பேரை கொழும்புக்கு அழைத்துச் செல்வது என தீர்மானிக்கப்பட்டுள்ளது.
இம்முறை ஜனாதிபதி தேர்தலில் எமது வேட்பாளர் ரணில் விக்கிரமசிங்க ஒரு சுயேட்சை வேட்பாளராக போட்டியிடுகிறார். இதனால், எமக்குள் கட்சி வேறுபாடின்றி, பொதுஜன பெரமுன, ஐக்கிய தேசியக் கட்சி, இலங்கை சுதந்திரக் கட்சி உள்ளிட்ட பல்வேறு கட்சிகளும் ஒன்றிணைந்து இந்த தேர்தல் பிரச்சாரத்தை முன்னெடுக்கின்றன. ஜனாதிபதி தேர்தலில் எங்களுக்கு வேறு வேறுபாடு இல்லை.
அடுத்த தேர்தல்களில் எங்கள் கட்சிகள் எப்படியோ போட்டியிடலாம். ஆனால், இந்த தேர்தலில், நாட்டை மீட்டெடுப்பதற்காக, எங்கள் அனைவரும் இணைந்து, ரணில் விக்கிரமசிங்கவின் வெற்றிக்காக பாடுபடுவதாக தீர்மானித்துள்ளோம். எமது இலக்கு நாட்டை பாதுகாப்பதே ஆகும். இன்றைய பொருளாதார நெருக்கடியில் இருந்து நாட்டை மீட்டெடுக்க ரணில் விக்கிரமசிங்க அவர்களை மட்டுமே ஆதரிக்க முடியும்.
எனவே, தற்போதைய சூழ்நிலையில், நாட்டின் எதிர்காலத்தை கருத்தில் கொண்டு, அனைவரும் ரணில் விக்கிரமசிங்க அவர்களுக்கு ஆதரவளிக்குமாறு கேட்டுக் கொள்கிறோம்.
இந்த சந்திப்பில் பாராளுமன்ற உறுப்பினர்கள் மிலான் ஜயதிலக்க, சஹான் பிரதீப் ஆகியோருடன், பொறுப்பாளர் மற்றும் ஜனாதிபதியின் ஆலோசகர் ஆஸுமாறு சிங்க உள்ளிட்ட அரசியல் பிரமுகர்கள் மற்றும் மினுவாங்கொடை தொகுதியின் அனைத்து கட்சி ஆதரவாளர்களும் கலந்து கொண்டனர்.
