( ஐ. ஏ. காதிர் கான் )
ஸ்ரீலங்கா பொதுஜன பெரமுன கட்சியின் தீர்மானங்களுக்கு எதிராகச் செயற்படும் உறுப்பினர்கள், எந்தத் தரத்தில் இருந்தாலும் கட்சியின் உறுப்புரிமையை இரத்துச் செய்ய நடவடிக்கை எடுக்கப்படும் என, ஸ்ரீலங்கா பொதுஜன பெரமுன தெரிவித்துள்ளது.
பொதுஜன பெரமுனவின் அரசியல் குழு, இந்தத் தீர்மானத்தை ஏகமனதாக எடுத்துள்ளதாக, அதன் பொதுச் செயலாளர் சாகர காரியவசம் கையொப்பமிட்டு வௌியிட்டுள்ள கடிதத்தில் தெரிவிக்கப்பட்டுள்ளது.
எதிர்வரும் ஜனாதிபதித் தேர்தலில் ரணில் விக்கிரமசிங்கவிற்கு ஆதரவளிக்க, மொட்டுக் கட்சியின் ஒரு தரப்பினர் தீர்மானித்துள்ளதாகவும், அது தொடர்பிலேயே இந்த நடவடிக்கை எடுக்கப்பட்டுள்ளதாகவும் தெரிவிக்கப்படுகின்றது.
இதேவேளை, 03.08.2024சாகர காரியவசம் எந்தக் கடிதம் அனுப்பினாலும் நாம் அதற்கு அஞ்சப்போவதில்லை எனவும், ஜனாதிபதி இந்த நாட்டுக்கு ஆற்றிய சேவையினால் தான் நாங்கள் தீர்மானங்களை எடுத்தோம் எனவும், கடற்றொழில் இராஜாங்க அமைச்சர் பியால் நிஷாந்த தெரிவித்துள்ளார்.
குறித்த கடிதம் தொடர்பில் கருத்துத் தெரிவிக்கும் போதே அவர் இவ்வாறு குறிப்பிட்டுள்ளார்.
